Er-xotin tez-tez janjallashib qolyapsizlarmi?
Er-xotin bir-biriga ko‘nikib, xarakterini o‘rganib olish uchun ham ancha vaqt ketadi. Erning jahli chiqqanida, ayol kishi og‘zini ochmagani yaxshi. Agarda ayol shunday vaziyatda ham to‘g‘ri fikr bildirsa ham erkak kishiga bu gap qaytarishdek tuyuladi. Natijada arzimagan tortishuv janjalga aylandi.
Hurmatli ayollar eringizni biron nimadan xunobi chiqsa, unga yon bosib, yaxshi gapiring. Agarda bu holatdan siz ham jig‘ibiyron bo‘lsangiz, u holda gapirmaganingiz ma’qul. Bunday vaziyatda ayol kishidan ham o‘rinli fikr chiqishi dargumon. Xo‘jayningiz jahldan tushganida, yotig‘i bilan tushuntiring. Erkak kishi jahldan tushgandagina sizni tinglay oladi ham to‘g‘ri maslahat berayotganingizga amin bo‘lib, sizning fikringizni bilmay turib ish qilmaydigan bo‘ladi. Qarabsiz-ki, eringizning omad kalitisiz. Sizni hammaga o‘rnak qilib ko‘rsatishdan charchamaydi.