Qo‘shnimning oshi - urishimning boshimi?
Oila
Qo‘shningizdan tovoqda taom chiqsa, barcha aynan shu ovqatni talashib yeb qo‘yadi. Nega shunday ekan-a? O‘zingiz ham qiziqib, bir qoshiq og‘zingizga olishga zo‘rg‘a ulgurib qolsangiz, mazaligidan mast bo‘lasiz. Oila a’zolaringiz ham shunday ovqat qilib bering, deb xol-joningizga qo‘yishmaydi.
Garchi siz ham tengi yo‘q pazanda, oshpaz bo‘lishingizga qaramay, qo‘shni ayolning ovqatini maqtashi g‘ashingizni keltirishi aniq. Qo‘shni ayoldan a’lo darajada taom tayyorlasangiz ham undan ziyoda qilib, masalliqlarni ortig‘i bilan solsangiz ham bari-bir qo‘shnining ovqati shirin. Qiziq-a, nega unday ekan...